May be this poem is amateurishly written by me..but i dedicate this poem to my father..n to all the girls who feel that their father is their real hero..
Love you dad...:)
Kabhi un aankhon mein jahan dekhliya,
kabhi dhundi unmein apni pehchaan,
woh pita hain mere jinmein basti hai meri jaan.
Un hothon ne jab jab pukaara bitiya,
mere lamhe ban gaye khubsurat sadiyaan,
woh pita hain mere jinmein basti hai meri jaan.
Kabhi un kandhon ne uthaya mujhe,
toh kabhi ban gaye mera khilona,
yeh farishta hain woh jinhe gawaara nahi hai mera rona,
woh pita hain mere jinmein basti hai meri jaan.
Bure waqt ko apni mutthi band kar uska dhuan bana diya,
uss Rab ne toh mere liye koi jaadugar banadiya,
woh pita hain mere jinmein basti hai meri jaan.
Lafzon se bayaan nahi karte,
dil mein umadkar aankhon mein chalakta hai pyar,
yeh hain toh hai meri duniya varna sab hai bezaar,
woh pita hain mere jinmein basti hai meri jaan.
Khuda ne bhi kya niyaamat bana diya,
ek shaqs mein har ehsaas sama diya,
ratti ratti karke bunte hain humare liye sapne,
un sapnon mein talaashte hain apni zindagi ki dhadkanein,
woh pita hain mere jinmein basti hai meri jaan.
Sab lutana mujhpar lagti hai inhe apni shaan,
yeh shaan hi hai toh hai inki Aqs sab khokar bhi inko dikhta hai mujhmein apna jahaan,
woh pita hain mere jinmein basti hai meri jaan.
